სერვისები

გინეკოლოგია – მედიცინის დარგია, რომელიც შეისწავლის ქალის ორგანიზმის ანატომიურ-ფიზიოლოგიურ, ფიზიკურ და ფსიქიკურ თავისებურებებს, მათ დარღვევებს. ვიწრო გაგებით გინეკოლოგია არის მეცნიერება, რომელიც შეისწავლის ქალის სასქესო ორგანოების ფიზიოლოგიას და პათოლოგიას, გინეკოლოგიურ დაავადებათა პროფილაქტიკასა და მკურნალობას. მჭიდროდ არის დაკავშირებული მეანობასთან.

კლინიკა “მედფემში” სერვისი მოიცავს:

– მეან-გინეკოლოგის კონსულტაცია

– ონკო-გინეკოლოგის კონსულტაცია

– კონსერვატიული გინეკოლოგია

– საშვილოსნოს ყელის კიბოს სკრინინგი

– საშვილოსნოს ყელის პათოლოგიების დიაგნოსტიკა და მკურნალობა (პაპ ტესტი, ბიოფსია, კოლპოსკოპია (DYSIS კოლპოსკოპით და გერმანული წარმოების აპარატით – leizegang), ლაზერო დესტრუქცია, რადიოტალღური ქირურგია)

– ესთეტიური გინეკოლოგია (მცირე ინვაზიური, აპარატურული და ქირურგიული მეთოდით)

– საოფისე ჰისტერესკოპია

– მოზარდთა გინეკოლოგია

– რეპროდუქტოლოგია (უშვილობის დიაგნოსტიკა და მკურნალობა)

– ანტენატალური მეთვალყურეობა

– მშობელთა სკოლა.

კლინიკა “მედფემი” ჩართულია ორსულთა მეთვალყურეობის
სახელმწიფო პროგრამაში. საქართველოს მოქალაქეს, რომელიც არის ორსული ჩვენს კლინიკაში პროგრამით გათვალისწინებული 9 უფასო ვიზიტით სარგებლობა  შეუძლია.

თუ ხართ ორსული და გსურთ მიიღოთ ევროპული სტანდარტის სამედიცინო მომსახურება, მაშინ ეწვიეთ კლინიკა “მედფემს” 11 0/7 კვირამდე ორსულობის ვადაზე და დარეგისტრირდით ორსულთა მეთვალყურეობის სახელმწიფო პროგრამაში.

გაატარეთ ყველაზე მნიშვნელოვანი პერიოდი ჩვენთან ერთად და მიიღეთ ყველა საჭირო სერვისი ერთ სივრცეში!

ჩვენთან დაგხვდებათ მეან-გინეკოლოგთა პროფესიონალი გუნდი, მაღალკვალიფიციური სამედიცინო პერსონალი, უახლესი სამედიცინო აპარატურა და მყუდრო გარემო.

ანტენატალური მეთვალყურეობის სახელმწიფო პროგრამა
ითვალისწინებს შემდეგ მომსახურებას:

I ვიზიტი – 11 0/7 – 12 6/7 კვირა

1. მეან-გინეკოლოგის კონსულტაცია
2. სისხლის საერთო ანალიზი
3. სისხლის ჯგუფისა და რეზუს-კუთვნილების განსაზღვრა
4. შარდის კულტურალური გამოკვლევა
5. სკრინინგული ტესტები (B და C ჰეპატიტის ვირუსი, აივ ინფექცია, სიფილისი)
6. ნაყოფის ულტრაბგერითი გამოკვლევა
7. რეზუს-ანტისხეულებზე ტესტირება რეზუს-უარყოფითი სისხლის კუთვნილების ქალებში
8. თირეოტროპული ჰორმონის განსაზღვრა სისხლში TSH.

II ვიზიტი – 18 0/7 – 20 6/7 კვირა

1. მეან-გინეკოლოგის კონსულტაცია
1. მეან-გინეკოლოგის კონსულტაცია
2. პროტეინურის განსაზღვრა შარდში
3. ჰემოგლობინის განსაზღვრა სისხლში.

III ვიზიტი 26 0/7 – 26 6/7 კვირა

1. მეან-გინეკოლოგის კონსულტაცია
2. პროტეინურიის განსაზღვრა შარდში
3. ჰემოგლობინის განსაზღვრა სისხლში
4. რეზუს-ანტისხეულებზე ტესტირება რეზუს-უარყოფითი სისხლის კუთვნილების ქალებში
5. სკრინინგი გესტაციურ დიაბეტზე – გლუკოზა ტოლერანტობის ტესტი.

IV ვიზიტი 30 0/7 – 30 6/7 კვირა

1.1. მეან-გინეკოლოგის კონსულტაცია
2. პროტეინურის განსაზღვრა შარდში
3. ჰემოგლობინის განსაზღვრა სისხლში.

V ვიზიტი 34 0/7 – 34 6/7 კვირა

1. მეან-გინეკოლოგის კონსულტაცია
2. პროტეინურის განსაზღვრა შარდში
3. ჰემოგლობინის განსაზღვრა სისხლში

VI ვიზიტი 36 0/7 – 36 6/7 კვირა

1.1. მეან-გინეკოლოგის კონსულტაცია
2. პროტეინურის განსაზღვრა შარდში
3. ჰემოგლობინის განსაზღვრა სისხლში
4. ნაყოფის ულტრაბგერითი გამოკვლევა
5. B ჰემოლიზური სტრეპტოკოკის განსაზღვრა.

VII ვიზიტი 38 0/7 – 38 6/7 კვირა

1. მეან-გინეკოლოგის კონსულტაცია
2. პროტეინურის განსაზღვრა შარდში.

VIII ვიზიტი 40 0/7 – 40 6/7კვირა

1. მეან-გინეკოლოგის კონსულტაცია
2. პროტეინურის განსაზღვრა შარდში.

IX ვიზიტი 

1. მშობიარობის შემდგომი

მამოლოგია მოიცავს სარძევე ჯირკვლის პათოლოგიების დიაგნოსტიკას, პროფილაქტიკასა და მკურნალობას, იკვლევს დაავადებების წარმოქმნის მიზეზებს. თანამედროვე სამედიცინო დიაგნოსტიკური კვლევები საშუალებას იძლევა, ადრეულ სტადიაში გამოვავლინოთ სარძევე ჯირკვლების სხვადასხვა სახის დაავადებები და დროულად დავიწყოთ შესაბამისი ეფექტური მკურნალობა.

საერთაშორისო სტატისტიკა

ჯანმრთელობის მსოფლიო ორგანიზაციის მონაცემებით, ევროპის რეგიონში ძუძუს კიბო ქალებში კიბოთი სიკვდილობის წამყვანი მიზეზია. 2020 წელს, ევროპის რეგიონში ძუძუს  კიბო დაუდგინდა 576 337 ქალს, 157 111 კი ამ დაავადებით დაიღუპა.

საქართველოს მონაცემები

საქართველოში ძუძუს კიბო  ყველაზე გავრცელებული ლოკალიზაციის კიბოს წარმოადგენს და რეპროდუქციული ასაკის ქალთა სიკვდილიანობის ერთერთი მთავარი მიზეზია.

2022 წელს საქართველოში ქალებში რეგისტრირებულია ძუძუს კიბოს 1 936 ახალი შემთხვევა, რაც ქალებში რეგისტრირებული ყველა ახალი შემთხვევის 35.3%-ს შეადგენს. 2018 წელს დიაგნოსტირებულ ქალებში სარძევე ჯირკვლის კიბოს ხუთწლიანი გადარჩენის მაჩვენებელმა დაახლოებით 75% შეადგინა. 2022 წელს სარძევე ჯირკვლის ახლად გამოვლენილი ავთვისებიანი სიმსივნეების საერთო რაოდენობაში I და II სტადიაზე გამოვლენის წილმა 48% შეადგინა.

სკრინინგი ეფექტური საშუალებაა გამოვავლინოთ ძუძუს კიბო ადრეულ ეტაპზე, დაავადების პროგრესირებამდე, რაც მკურნალობის ეფექტურად წარმართვის და განკურნების საშუალებას იძლევა.

ახალგაზრდა ქალი, პროფილაქტიკის მიზნით, წელიწადში ერთხელ მაინც უნდა გაესინჯოს ექიმ მამოლოგს, ხოლო 50 წლის ასაკიდან რეკომენდებულია წელიწადში 2-ჯერ გასინჯვა.

საყურადღებო სიმპტომები:
– ლიმფური კვანძების გადიდება და გულ-მკერდის არეში ტკივილი

– ძუძუს დვრილების გაუფერულება, ფორმისა და კონტურის ცვლილება

– მკერდზე წყლულების გავრცელება

– მკერდის ეპითელიუმის ცვლილება

– გამონადენი ძუძუს თავიდან.

ჩაიტარე ძუძუს კიბოს სკრინინგი დღესვე შენი ჯანმრთელი ცხოვრებისათვის!

უროლოგია არის მედიცინის დარგი, რომელიც შეისწავლის მამაკაცისა და ქალის საშარდე სისტემისა და მამაკაცის სასქესო ორგანოების დაავადებებს.

კლინიკა “მედფემში” გთავაზობთ უროლოგიური დაავადებების დიაგნოსტიკას და მკურნალობას მსოფლიო მედიცინის სტანდარტების შესაბამისი მეთოდებით.

სერვისი მოიცავს:

– უროლოგის კონსულტაციას

– ლაბორატორიულ-დიაგნოსტიკურკვლევებს

– სასქესო ორგანოების ულტრაბგერით კვლევას.

მიმართულებები:

– უროლოგია

– ანდროლოგია

– უნაყოფობა

– რეპროდუქციული ჯანმრთელობა

– ფარულად მიმდინარე სქესობრივი გზით გადამდები დაავადებების დიაგნოსტირება, მკურნალობა

– პოტენციის დაქვეითება, ერექციული დისფუნქცია.

• ზოგადი პროფილის ექიმის და ოჯახის ექიმის კონსულტაცია.

რა არის კარდიოლოგია? 

კარდიოლოგია – არის მედიცინის დარგი, რომელიც შეისწავლის გულისა და გულსისხლძარღვთა სისტემის დაავადებებს, დიაგნოსტირებასა და მკურნალობას.

კარდიოლოგიის მიზანია გულის დაავადებების პროფილაქტიკა, მკურნალობა, გულის ფუნქციის გაუმჯობესება და საბოლოოდ, გულ-სისხლძარღვთა დაავადებების მქონე პაციენტების ჯანმრთელობის გაუმჯობესება.

კლინიკა “მედფემში” კარდიოლოგიური სერვისი მოიცავს:

– კარდიოლოგის კონსულტაციას

– კარდიოგრამას

– კარდიოექოსკოპიას

– ლაბორატორიულ კვლევებს.

რა ჩივილების დროს უნდა მიმართოს პაციენტმა კარდიოლოგს?
– ტკივილი გულის/გულმკერდის არეში

– მაღალი არტერიული წნევა,თავის ტკივილი

– გაძლიერებული, აჩქარებული გულისცემა, გულის “გაჩერების”, “ამოვარდნის“, “შენელების” შეგრძნება

– გონების დაკარგვა, თავბრუსხვევა

–  ჰაერის უკმარისობა, ქოშინი

– დაღლილობა

– ფეხების შეშუპება

– ქოლესტერინის მაღალი დონე.

ენდოკრინოლოგია მედიცინის ერთ-ერთი ყველაზე ახალგაზრდა და ყველაზე სწრაფად განვითარებადი დარგია. ის შეისწავლის შიდა სეკრეციის ჯირკვლების ანუ ენდოკრინული ჯირკვლების სტრუქტურას, ფუნქციებს და პათოლოგიებს. ასევე ენდოკრინოლოგია შეისწავლის ჰორმონებს და იმას თუ როგორ ზემოქმედებენ ისი ადამიანის ორგანიზმზე. ენდოკრინოლოგია მჭიდროდაა დაკავშირებული კარდიოლოგიასთან, ოფთალმოლოგიასთან ონკოლოგიასთან, გასტროენტეროლოგიასთან, გინეკოლოგიასთან და მედიცინის სხვა დარგებთან.

რას მოიცავს მომსახურება?

– ენდოკრინოლოგის კონსულტაციას

– დენსიტომეტრიულ კვლევას

– ლაბორატორიულ-ინსტრუმენტულ კვლევებს.

კლინიკა „მედფემში“ პაციენტს შეუძლია ჩაიტაროს ენდოკრინული დაავადებების სრული დიაგნოსტიკა და მკურნალობა:

– მეტაბოლური დარღვევები – სიმსუქნე, პრედიაბეტი, ტიპი 1 და ტიპი 2 შაქრიანი დიაბეტი, ქოლესტეროლის ცვლის დარღვევა;

– ფარისებრი ჯირკვლის დაავადებები (ჰიპოთირეოზი, თირეოტოქსიკოზი, კვანძოვანი ჩიყვი, იოდდეფიციტური დაავადებები, თირეოიდიტები);

– მენსტრუალური ციკლის დარღვევები;

– პარათირეოიდული ჯირკვლის დაავადებები

– ჰიპერკალცემია, ჰიპოკალცემია;

– ჰიპოფიზის დაავადებები;

– ოსტეოპოროზი;

– D ვიტამინის დეფიციტი და ა.შ.

გასტროენტეროლოგია არის მედიცინის დარგი, რომელიც შეისწავლის საჭმლის მომნელებელ ორგანოებსა და მათ დაავადებებს. ექიმი გასტროენტეროლოგი ახდენს იმ პრობლემების დიაგნოსტიკას და მკურნალობას, დაკავშირებულს საჭმლის მომნელებელ სისტემასთან, რომელიც შეიცავს საყლაპავის მილს, კუჭს, ნაწლავებს, ღვიძლს და პანკრეასს.

კლინიკა “მედფემში” გასტროენტეროლოგიური სერვისი მოიცავს:

• გასტროენტეროლოგის კონსულტაციას
• ენდოსკოპისტ-ქირურგის კონსულტაციას
• გასტროსკოპიას (სწრაფი ურეაზული ტესტით და ბიოფსიით).

• დერმატო-ვენეროლოგის კონსულტაცია
• კანის, ფრჩხილის, თმის დიაგნოსტიკა სკანირებით (კანის კიბოს სკრინინგი) -აპარატურული მეთოდით – Fotofinfer.

კლინიკა “მედფემი” პაციენტებს სთავაზობს როგორც ფსიქოკონსულტირების, ისე ფსიქოთერაპიის სერვისებს.

სერვისით სარგებლობის ასაკობრივი კატეგორიები:

– ბავშვებისა და მოზარდების შემთხვევაში ფსიქოკონსულტირება,

– ზრდასრულების შემთხვევაში როგორც ფსიქოკონსულტირება, ისე ფსიქოთერაპია.

რას წარმოადგენს აღნიშნული სერვისები?

ფსიქოკონსულტირების ეტაპზე ხორციელდება:
– ფსიქოლოგიური პრობლემების იდენტიფიცირება;

– პიროვნების შესაძლებლობების და ფუნქციონირების შეფასება;

– იდენტიფიცირებული ფაქტორების აღიარებაში, გათვიცნობიერებაში ხელშეწყობა და ამ გარემოებებზე დაყრდნობით მისთვის შესაბამისი და ხელსაყრელი მკურნალობის მეთოდის შეთავაზება;

– საჭიროების შემთხვევაში სხვა სპეციალისტის ჩართულობა და კოორდინირებული მუშაობა, ან გამოიკვეთოს სხვა სერვისში გადამისამართების აუცილებლობა (ამ ფაქტორის იდენტიფიცირება კონსულტირების ერთ-ერთ მიზანს წარმოადგენს);

– ინტერვენციული გეგმის შედგენა;

– ინტერვენციული გეგმის განხორციელება.

ფსიქოთერაპიის ეტაპზე მიმდინარეობს იმ ფსიქოლოგიურ პრობლემებზე მუშაობა, რომელიც საწყის ეტაპზე განისაზღვრება:

–  ფსიქოთერაპია შედარებით უფრო ხანგრძლივი პროცესია, რადგან ადამიანის ფსიქიკა არის გაცილებით უფრო კომპლექსური, ვიდრე მაგალითად სხეულის რომელიმე ცალკეული ორგანო და ამიტომ მხოლოდ კონსულტირების ეტაპზე განსაზღვრული ფაქტორებით ორიენტირება არ არის საკმარისი. შედეგად, ფსიქოთერაპია, ეს არის სხვადასხვა პრობლემის უკეთ და სიღრმისეულად შესწავლის პროცესიც, რათა სრულფასოვნად განხორციელდეს ინტერვენციული ჩარევა.

– საბოლოოდ კი ფსიქოთერაპიის, და თითქმის ყველა ფსიქოთერაპიული მეთოდის მიზანია, ხელი შეუწყოს პიროვნების იმ ფსიქიკური სტრუქტურის რეკონსტრუქციას, რომელიც ხელს უშლის და აბრკოლებს მის როგორც ბიოლოგიურ, ისე ფსიქოლოგიურ და სოციალურ ფუნქციონირებას. რა თქმა უნდა, სხვადასხვა მეთოდოლოგიური მიდგომა შეიძლება განსხვავდებოდეს, მაგრამ საბოლოო ჯამში, ფსიქოთერაპიის მიზანია, ხელი შეუწყოს პიროვნებას გამოიმუშაოს ის ფსიქიკური ენერგია, რაც შიდა და გარე სამყაროსთან ურთიერთობის დროს წარმოქმნილი კონფლიქტების და დისტრესის დასაძლევად არის საჭირო.

სამედიცინო ლაბორატორიული კვლევები: თანამედროვე დიაგნოსტიკისა და                  მკურნალობის საფუძველი

სამედიცინო ლაბორატორიული კვლევები უდაოდ მნიშვნელოვან როლს ასრულებენ თანამედროვე მედიცინაში, ექიმებსა და პაციენტებს აწვდიან მნიშვნელოვან ინფორმაციას ჯანმრთელობის მდგომარეობის შესახებ და საშუალებას აძლევენ დაადგინონ დაავადების არსებობა, სიმძიმე და მიმდინარეობა.

სამედიცინო ლაბორატორიული კვლევა მოიცავს სამედიცინო მიმართულებათა ფართო სპექტრს, მათ შორის ჰემატოლოგიას, კლინიკურ ქიმიას, იმუნოლოგიას, მიკრობიოლოგიას, გენეტიკას, ონკოლოგიას, ენდოკრინოლოგიას და სხვას. ყოველივე ეს, შესაძლებელს ხდის მოხდეს იდენტიფიცირება სხვადასხვა დაავადებებისა და დარღვევების, როგორიცაა ინფექციური დაავადებები, ონკოლოგიური პროცესები, მეტაბოლური დარღვევები, აუტოიმუნური და ალერგიული რეაქციები, მემკვიდრეობითი დაავადებები და სხვა პათოლოგიური მდგომარეობები.

ლაბორატორიული კვლევები ბევრი პათოლოგიის სადიაგნოსტიკო საშუალებაა, მათ შორის: ინფექციების, ანემიის, ლიპიდური დარღვევების, ვიტამინების დეფიციტის, ორგანული უკმარისობის, შეძენილი იმუნოდეფიციტის, სიმსივნეების, დიაბეტის, სქესობრივი გზით გადამდები დაავადებების და სხვა.

ეს კვლევები საერთო სურათს იძლევა პაციენტის ზოგად ჯანმრთელობაზე, რაც აუცილებელია დაავადების დიაგნოსტიკის, მონიტორინგის, ორგანული ფუნქციის შემოწმების და იმუნური სისტემის სტატუსის განსასაზღვრად.

როდის არის საჭირო ლაბორატორიული კვლევების ჩატარება?

• ჯანმრთელობის გეგმიური პროფილაქტიკური შემოწმება
• უკვე დიაგნოსტირებული დაავადების დროს, მდგომარეობის მონიტორინგის და მკურნალობის ეფექტურობის შეფასებისთვის
• სიმპტომების არსებობისას, დიაგნოსტიკის და დიფერნცირებული დიაგნოსტიკისთვის
• ორსულობისას
• ოპერაციული ჩარევების წინ
• დაავადების განვითარების რისკ-ფაქტორების არსებობის დროს
• და სხვა

ზოგადი რეკომენდაციით, მიუხედავად სიმპტომების არარსებობისა, რეკომენდებულია წელიწადში ერთხელ მაინც რუტინული პროფილაქტიკური ტესტების ჩატარება, რატა დროულად მოხერხდეს შესაძლო დარღვევების გამოვლენა

ამა თუ იმ პათოლოგიის რისკის არსებობისას, აუცილებელია კონკრეტული კვლევების რეგულარული ჩატარება (მაგ: გულის დაავადებების რისკ-ჯგუფის ადამიანებმა უნდა რეგულარულად აკონტროლონ ლიპიდური სპექტრი და გლუკოზა).

გარდა სპეციფიკური ანალიზებისა, რამდენიმე რუტინული კვლევა აუცილებელია ორგანიზმის ზოგადი ჯანმრთელობის შესახებ ინფორმაციის იღების და დაავადებების დიაგნოსტირებისთვის.

სისხლის საერთო ანალიზი

სისხლის საერთო ანალიზი ზოგადი ტესტია, რომელიც სისხლის სხვადასხვა კომპონენტებს იკვლევს: ერითროციტებს, ლეიკოციტებს, თრომბოციტებს, ჰემოგლობინს, ჰემატოკრიტს და ა.შ.

ამ მაჩვენებლების ანომალიები ისეთ დაავადებებზე მიუთითებს, როგორიცაა:

• ინფექციები
• ანემია
• შედედების პროცესების დარღვევები
• იმუნური სისტემის დარღვევები და სხვა.

სისხლის საერთო ანალიზი ინიშნება არაერთი დაავადების დროს

ძირითადი მეტაბოლური ტესტები

რომელიც მოიცავს აუცილებელი მიკროელემენტებისა და მეტაბოლიზმის პროცესში წარმოქმნილი ნივთიერებების მაჩვენებლებს, როგორებიცაა:

• კალციუმი
• ნატრიუმი
• კალიუმი
• ბიკარბონატები
• ქლორი
• კრეატინინი
• შარდოვანა
• გლუკოზა

ამ კვლევების პათოლოგიური მაჩვენებლები ახასიათებს ისეთ დაავადებებს, როგორიცაა:

დიაბეტი, თირკმლის დაზიანება, ელექტროლიტური დისბალანსით მიმდინარე დაავადებები. დიაგნოზის დაზუსტებისთვის როგორც წესი საჭირო ხდება დამატებითი კვლევები

ყოვლისმომცველი მეტაბოლური კვლევა

ძირითად მეტაბოლურ ტესტებთან ერთად მოიცავს დამატებით პროტეინებისა და იმ აქტიური სუბსტანციების კვლევებს, რომელთა მაჩვენებლებიც სასიცოცხლოდ მნიშვნელოვანია ადამიანის ჯანმრთელობისთვის:

• ალბუმინი
• საერთო ცილა
• ტუტე ფოსფატაზა
• ალტ
• ასტ
• ბილირუბინი
• გგტ და სხვა

ჩამოთვლილი ტესტების პათოლოგიური მნიშვნელობები არაერთი დაავადებისთვისაა დამახასიატებელი:

ტუტე ფოსფატაზა: სანაღვლე გზების ბლოკადა, ციროზი, ქოლეცისტიტი, ჰეპატიტები, მონონუკლეოზი, ძვლის მეტაბოლიზმის დარღვევები, გულის დაავადება, თუთიის დეფიციტი

ალტ/ასტ: ციროზი, ჰეპატიტები, ღვიძლის სიმსივნეები,

ბილირუბინი: ჰემოლიზი, მედიკამენტების გვერდითი ეფექტები, ჟილბერის სინდრომი, ჰეპატიტები

ლიპიდური პროფილის კვლევები

როგორც წესი, იკვლევენ როგორც ათეროგენულ ანუ დაბალი სიმკვრივის, ისე არაათეროგენულ – მარალი სიმკვრივის ლიპოპროტეინებს.

მაღალი სიმკვრივის ლიპოპროტეინები (HDL) “კარგი” ლიპოპროტეინებია, რადგან მათი მონაწილეობით ღვიძლი ანეიტრალებს არასაჭირო სუბსტანციებს .

დაბალი და ძალიან დაბალი  სიმკვრივის ლიპოპროტეინები (LDL, VLDL) – „ცუდი“ ლიპოპროტეინებია, რადგან მონაწილეობს ათეროსკლეროზული ფოლაქების წარმოქმნაში, სისხლძარღვის შიდა ზედაპირზე, რაც ხელს უწყობს გულ-სისხლძარღვოვანი დაავადებების განვითარებას.

ასევე მნიშვნელოვანია მაღალი და დაბალი სიმკვრივის ლიპოპროტეინებს შორის თანაფარდობის – „ათეროგენობის ინდექსის“ განსაზღვრა  , რათა შევაფასოთ კარდიოვასკულური დაავადებების განვიტარების რისკი.

ფარისებრი ჯირკვლის კვლევები

ფარისებრი ჯირკვლის ფუნქციური კვლევები მნიშვნელოვანი არამარტო ჯირკვლის პათოლოგიების სადიაგნოსტიკოდ, არამედ მთერი რიგი სინდრომების დროსაც (ტაქიკარდია, არითმია).

T3 -ტრიიოდთირონინი თიროქსინთან ერთად არეგულირებს გულის რითმსა და სხეულის ტემპერატურას

T4 – თიროქსინი  ტრიიოდთირონინთან ერთად არეგულირებს ზრდისა და მეტაბოლიზმის პროცესებს

TSH (თიროიდმასტიმულირებელი ჰორმონი) – უარყოფითი უკუკავსირის პრინციპით არეგულირებს ფარისებრი ჯირკვლის მიერ ჰორმონებს წარმოქმნას.

ფარისებრი ჯირკვლის ჰორმონების და თიროიდმასტიმულირებელი ჰორმონის პათოლოგიური კონცენტრაციები შესაძლებელია დაკავშირებული იყოს არაერთ პათოლოგიასთა

• ფარისებრი ჯირკვლის ჰიპო ან ჰიპერფუნქციასთან
• ჰიპოფიზის ადენომასტან ან სხვა პათოლოგიებთან
• რეპროდუქციული სისტემის პათოლოგებთან და ა.შ

სქესობრივი გზით გადამდები დაავადებების ტესტები

სქესობრივი გზით გადამდებ დაავადებათა უმეტესობა დიაგნოსტირდება სისხლის ანალიზით. ხშირად ეს კვლევები კომბინირებულია შარდის ან ნცხის გამოკვლევასთან.

სეროლოგიური კვლევით ხორციელდება სქესობრივი გზით გადამდები შემდეგი ინფექციების დიაგნოსტიკა:

• ჰერპესი
• აივი
• ათაშანგი
• ჰეპატიტები

კოაგულაციური ტესტები

კოაგულაციური ტესტები იკვლევს სისხლის შედედების პროცესს, შედედებისთვის საჭირო დროს,  შედედებაში მონაწილე კომპონენტების აქტივობას და სხვა.

კოაგულაცია (სისხლის შედედება) მნიშვნელოვანი პროცესია სისხლდენის შესაჩერებლად, თუმცა სისხლის კოლტი ვენურ ან არტერიულ სისხლძარღვში შესაძლოა სისხლის მიოქცევის კრიტიკული მოშლის მიზეზი გახდეს თავის ტვინში, გულში, ფილტვებსა და სხვა ორგანოებში, რაც სერიოზული გართულებების მიზეზი შესაძლოა გახდეს.

კოაგულაციური ტესტების მაცვენებლებით შეგვიძლია განვსაზღვროთ:

თრომბოზული მდგომარეობები

სისხლდენის რისკი

ღვიძლის პათოლოგიები

ვიტამინი K დეფიციტი

და სხვა

ნებისმიერი ლაბორატორიული ტესტის ჩაბარებამდე რეკომენდებულია ექიმთან გაიაროთ კონსულტაცია და მიიღოთ რეკომენდაციები. ასევე მოახდინოთ ექიმის ინფორმირება ნებისმიერ მედიკამენტსა თუ დანამატზე რასაც იღებთ, რათა კვლევების შედეგების სწორი ინტერპრეტაციის შესაძლებლობა ქონდეს სპეციალისტს.

     მედ-ფემის ლაბორატორია გთავაზობთ შემდეგ ლაბორატორიულ კვლევებს

კლინიკა “მედფემი” აღჭურვილია SonoScape-ს HD 500 თანამედროვე ციფრული ენდოსკოპიური აპარატურით, რომელსაც გააჩნია Full HD გამოსახულება. ეს  საშუალებას იძლევა ადრეულ ეტაპზე დადგინდეს საყლაპავის, კუჭის და თორმეტგოჯა ნაწლავის ნებისმიერი პათოლოგია, მათ შორის ნაადრევი სიმსივნური პროცესები.

როდის უნდა ჩავიტაროთ გასტროსკოპია?

ჩვენებები:

– გულძმარვა, ბოყინი, გულისრევა, ღებინება

– ტკივილის, წვის და დისკომფორტის შეგრძნება მუცლის ზედა ნაწილში

– წონის კლება.

კუჭ-ნაწლავის ტრაქტის დაავადებების სკრინინგის მიზნით და ონკოლოგიური პროცესების ადრეულ ეტაპზე გამოსაკვლევად გასტროსკოპია რეკომენდებულია 40 წლის ასაკიდან.

სწრაფი ურეაზული ბიოფსიური ტესტი:

“მედფემში” შესაძლებელია ჰელიკობაქტერიის სტატუსის განსაზღვრა, რომელიც უშუალოდ უშუალოდ მანიპულაციის დროს იტალიური წარმოების ბიოფტატის ურეაზა ტესტის მეშვეობით ტრდება და რომლის მგრძნობელობა/სპეციფიურობა 90%-ს აღემატება. პასუხს იძლევა 5-დან 30 წუთის განმავლობაში.

“მედფემში” პაციენტს დაკვნასთან ერთად ეძლევა მანიპულაციის დროს გადაღებული ფერადი ფოტოდოკუმენტაცია და ვიდეოჩანაწერი.

გასტროსკოპიის ჩატარება შესაძლებელია ანესთეზიით და მის გარეშე.

გვახსოვდეთ, რომ ადრეული დიაგნოსტირება ამარტივებს დაავადებების მართვას და ზრდის სრულად განკურნების შანსს.

კოლპოსკოპია – ენდოსკოპიური კვლევის მარტივი და უმტკივნეულო მეთოდია, რომელიც საშუალებას გვაძლევს, მაღალი გადიდების ქვეშ დავათვალიეროთ საშვილოსნოს ყელი, საშოს კედლები და ვულვა.

სწორედ, ამ დიაგნოსტიკურ პროცედურას სთავაზობს პაციენტებს ქალისა და მამაკაცის სამედიცინო ცენტრი “მედფემი”.

DYSIS კოლპოსკოპი ერთადერთი ულტრათანამედროვე ტექნოლოგიაა, რომელიც საშვილოსნოს ყელის კიბოს დიაგნოზის დასადგენად გამოიყენება.

დასავლეთ საქართველოში , კლინიკა “მედფემში” ერთადერთი DYSIS კოლპოსკოპი ულტრათანამედროვე ტექნოლოგიაა. მისი უპირატესობაა საშვილოსნოს ყელის გამოკვლევა სკანირების სისტემით, რითაც შესაძლებელია დაზიანებული უბნის იდენტიფიცირება კომპიუტერული ტექნიკის გამოყენებით.

აპარატს მიღებული აქვს CE, ISO და FDA სერთიფიკატები. ამ მეთოდით კვლევის ჩატარების დროს ექიმი-გინეკოლოგი დიდი სიზუსტით ფლობს ინფორმაციას დაზიანების ლოკალიზაციის და სიღრმის შესახებ, რაც პაციენტისთვის დიაგნოზის დასმის 100% გარანტიაა. ამ აპარატით კვლევის დროს სრულიად გამორიცხულია სპეციალისტის მიერ სუბიექტური შეფასება. აღნიშნული მახასიათებლები წარმოადგენს უპირატესობას რუტინულ კოლპოსკოპიასთან შედარებით.

პროცედურის ჩატარებამდე პაციენტმა უნდა გაითვალისწინოს:

• პროცედურის ჩატარება შეუძლებელია მენსტრუაციის პერიოდში
• თავი შეიკავეთ სქესობრივი კავშირისგან პროცედურამდე 2 დღის განმავლობაში
• არ გამოიყენოთ ტამპონი პროცედურის დღეს
• არ გამოიყენოთ ვაგინალური მედიკამენტები პროცედურამდე 5 დღის განმავლობაში.

კოლპოსკოპიური კვლევა უსაფრთხო და უმტკივნეულო პტოცედურაა, არ საჭიროებს ანესთეზიას. ტარდება ამბულატორიულ პირობებში და გრძელდება 10-15 წუთის განმავლობაში.

გარდა ამისა, კოლპოსკოპიის ჩატარება რეკომენდებულია იმ შემთხვაში, თუ პაციენტს აღენიშნება:

• საშოდან სისხლიანი გამონადენი, რომელიც არ უკავშირდება მენსტრუალურ ციკლს
• ტკივილის შეგრძნება სქესობრივი აქტის დროს და სისხლიან გამონადენი
• ყრუ ტკივილი მუცლის ქვედა არეში
• საშოდან პათოლოგიური გამონადენის და ქავილი, კონდილომატოზი.

საშვილოსნოს ყელის კვლევები: პაპტესტი, კოლპოსკოპია და ბიოფსია წარმოადგენს – ოქროს სტანდარტს საშვილოსნოს ყელის დაზიანების დიაგნოსტირებაში. დროულად დასმული დიაგნოზი და სწორი მკურნალობა ჯანმრთელობის გარანტია.

ხშირად ხდება, რომ პაციენტის ორგანიზმში დაავადება ზოგჯერ უსიმპტომოდ მიმდინარეობს და როდესაც სიმპტომი ვლინდება უკვე დაგვიანებულია.

სწორედ ამიტომ, გართულებების თავიდან აცილების მიზნით, აუცილებელია, პაციენტმა წელიწადში ერთხელ კოლპოსკოპიური კვლევა და პაპ-ტესტი (ნაცხის ციტოლოგიური ანალიზი) ჩაიტაროს. განსაკუთრებით იმ პაციენტებში, რომელთაც საშვილოსნოს ყელის კიბოსწინარე დაავადებები, ე.წ. დისპლაზიები აღენიშნებათ.

ყველა ქალმა უნდა გაითვალისწინოს, რომ რეგულარული კვლევებით კიბოს თავიდან აცილება შესაძლებელი.

რატომ ავირჩიეთ DYSIS კოლპოსკოპია?

• DYSIS კოლპოსკოპია არის ზუსტი გზა საშვილოსნოს ყელის პათოლოგიური ცვლილებების გამოსავლენად.
• DYSIS კლინიკურად დადასტურებულია უფრო მაღალი ხარისხის ანომალიების გამოვლენაში, ვიდრე მხოლოდ ტრადიციული კოლპოსკოპია, განსაკუთრებით მცირე დაზიანებები, რომლებიც შეიძლება არ იყოს ხილული შეუიარაღებელი თვალით და ხშირად გამოტოვებული.
• DYSIS სტანდარტიზებს და ობიექტურად ზომავს სტანდარტული ტესტის შედეგებს, რომელიც ტარდება კოლპოსკოპიის დროს. შემდეგ ის აჩვენებს შედეგებს ფერადი კოდირებული რუკის სახით, სახელწოდებით DYSISmap, რომელიც ცოტათი ჰგავს ამინდის რუკას.

რა არის განსაკუთრებული DYSISmap-ში?

• DYSISmap ხაზს უსვამს საშვილოსნოს ყელის უბნებს, რომლებსაც აქვთ ყველაზე ექსტრემალური გათეთრება.
• ეს ეხმარება თქვენს კლინიცისტს შეარჩიოს ყველაზე შესაფერისი ზონები ბიოფსიისთვის, რაც ხელს შეუწყობს კიბოსწინარე სიმსივნის ადრეულ აღმოჩენას.
• კლინიკურმა კვლევებმა აჩვენა, რომ როდესაც DYSISmap გამოიყენება ვიზუალური კოლპოსკოპიური გამოკვლევის გარდა, კიბოსწინარე უბნების გამოვლენა შეიძლება გაიზარდოს 30%-ზე მეტით.
• DYSISmap-ს შეუძლია დამატებითი ინფორმაცია მიაწოდოს თქვენს კლინიცისტს, რაც შესაძლებელს გახდის უკეთესად შეაფასოს პირველად და ის ასევე გაგიადვილებთ თქვენი მდგომარეობის გაგებას.
• DYSIS ასევე დაგეხმარებათ ცვლილებების თვალყურის დევნებაში საშვილოსნოს ყელის გამოსახულებების შენახვით და შედარებით ვიზიტიდან ვიზიტამდე. ეს სასარგებლოა, რადგან საშვილოსნოს ყელის ზოგიერთი ანომალია შეიძლება რეგრესიდეს მკურნალობის გარეშე.
• DYSIS რეკომენდირებულია NICE-ის (ჯანმრთელობისა და ზრუნვის ბრწყინვალების ეროვნული ინსტიტუტის) მიერ და აღიარებულია NHS საშვილოსნოს ყელის სკრინინგის პროგრამის მიერ, პუბლიკაცია 20 გაიდლაინები.

როგორ მოვემზადო კოლპოსკოპისთვის?

• პირველ რიგში, არ ინერვიულოთ. თუ თქვენ მიმართავენ კოლპოსკოპიას საშვილოსნოს ყელის პათოლოგიური სკრინინგის ტესტის შემდეგ, თქვენ არ უნდა იფიქროთ, რომ გაქვთ საშვილოსნოს ყელის კიბო. კოლპოსკოპიაზე მოხსენიებული 1000 ქალიდან 1-ზე ნაკლებს აქვს საშვილოსნოს ყელის კიბო, რომელიც საჭიროებს სასწრაფო მკურნალობას.
• საშვილოსნოს ყელის კიბოს სკრინინგი წარმატებულია, რადგან უჯრედული ცვლილებები შეიძლება მოხდეს კიბოს განვითარებამდე მრავალი წლით ადრე. ამ უჯრედული ცვლილებების ადრეულ ეტაპზე იდენტიფიცირება და მკურნალობა შეიძლება თავიდან აიცილოს კიბოს განვითარება.
• თუ ფიქრობთ, რომ შესაძლოა მენსტრუაცია გქონდეთ შეხვედრის დღეს, შეგიძლიათ დარეკოთ კლინიკაში სხვა შეხვედრის მოსაწყობად, მაგრამ თუ გსურთ, შეგიძლიათ მენსტრუაციის დროს მისვლა.
• კოლპოსკოპიის დროს საშვილოსნოს ყელის დათვალიერების გასაადვილებლად, გთხოვთ, არ დაკავდეთ სექსით ან გამოიყენოთ ვაგინალური მედიკამენტები, ლუბრიკანტები ან კრემები მინიმუმ 24 საათით ადრე.
• პაემანზე უნდა წაიღოთ ტრუსის ლაინერი, რადგან კოლპოსკოპიის შემდეგ შესაძლოა მცირე რაოდენობით გამონადენი გქონდეთ ვაგინალური. თუ თქვენ გაქვთ აღებული ქსოვილის მცირე ნიმუში (ბიოფსია), შესაძლოა გქონდეთ სისხლდენაც.

ულტრაბგერითი დიაგნოსტიკა, თანამედროვე მედიცინის ერთ-ერთი შეუცვლელი ინსტრუმენტია. ულტრაბგერითი დიაგნოსტიკა არის შინაგანი ორგანოების არაინვაზიური კვლევის მეთოდი, რომელიც იმართება ულტრაბგერითი ტალღების მეშვეობით. დიაგნოსტიკის ეს მეთოდი ერთ-ერთი ყველაზე გავრცელებულია მთელ მსოფლიოში, ის სრულიად უმტკივნეულო და ამასთანავე, ძალიან ინფორმატიულია. რადგან მეთოდი არ იყენებს რადიაციულ გამოსხივებას ის სრულად უვნებელია.

კლინიკა “მედფემი” აღჭურვილია თანამედროვე ექსპერტის კლასის ულტრაბგერითი აპარატით – Logiq E9, 2D 3D 4D – გამოსახულებით, დოპლეროგრაფიით და ელასტოგრაფიით. რომელიც საშუალებას აძლევს მაღალკვალიფიციურ რადიოლოგებს მიიღონ უმაღლესი ხარისხის გამოსახულება.

ულტრაბგერითი გამოკვლევა – სწრაფი, მაღალინფორმაციული და ჯანმრთელობისთვის უსაფრთხო კვლევის მეთოდია.

კლინიკა “მედფემში” ხორციელდება შემდეგი სახის ულტრაბგერითი გამოკვლევები:

– მცირე მენჯის ღრუს (გინეკოლოგიური) ულტრასონოგრაფიული გამოკვლევა

– ტრანსვაგინალურად, ტრანსაბდომინალურად, საკვერცხის რეზერვის შეფასება – ფოლიკულის ექომონიტორინგი

– მუცლის ღრუს ორგანოების ულტრასონოგრაფიული გამოკვლევა – ღვიძლი, ნაღვლის ბუშტი და სანაღვლე გზები, ელენთა, კუჭქვეშა ჯირკვალი, მუცლის ღრუს სისხლძარღვები

– საშარდე სისტემის ულტრასონოგრაფიული გამოკვლევა: თირკმლები, შარდის ბუშტი, წინამდებარე ჯირკვალი

– სარძევე ჯირკვლების ულტასონოგრაფიული გამოკვლევა + ელასტოგრაფია

– ფარისებრი ჯირკვლის ულტრასონოგრაფიული გამოკვლევა

– ლიმფური ჯირკვლების ულტრასონოგრაფიული გამოკვლევა

– რბილი ქსოვილების (კანისა და კანქვეშა) წარმონაქმნების ულტრაბგერითი კვლევა

– სამეანო ულტრასონოგრაფიული გამოკვლევა (ერთნაყოფიანი და მრავალნაყოფიანი) ორსულობის I -ტრიმესტრი, II-III ტრიმესტრი

– ორსულობის ვადის დადგენა

– ორსულობის პერიოდში საშვილოსნო ყელის მონიტორინგი

– ორსულობის შეწყვეტის შემდგომი საშვილოსნოს ღრუს მონიტორინგი-ტრანსვაგინალურად

– სახსრების ულტრასონოგრაფიული გამოკვლევა

– სისხლძარღვთა ულტრასონოგრაფიული გამოკვლევა

– სათესლეს და სასქესო ასოს ულტრასონოგრაფიული გამოკვლევა.

არტერიების დიაგნოსტიკა:

– ბრაქიოცეფალური (საძილე და ხერხემლის) არტერიები
– თავის ტვინის (ინტრაკრანიალური) არტერიები
– მუცლის ღრუს სისხლძარღვები (მუცლის აორტა და მისი ტოტები)
– თირკმლის არტერიები
– ზედა კიდურების სისხლძარღვები
– ქვედა კიდურების არტერიები და ვენები.

კვლევებს ატარებს:

ექიმი რადიოლოგი – ულტრაბგერითი დიაგნოსტიკის სპეციალისტი – დარინა წულუკიძე

• ორშაბათი – პარასკევი, 10:00 – 17:00 საათი
• შაბათი, 10:00 – 14:00 საათი.

წინასწარი ჩაწერით.:

ექიმი რადიოლოგი – თამუნა გოგიტიძე;

ექიმი რადიოლოგი – ქეთი მიქელაძე;

ექიმი რადიოლოგი – ირინა ლაპტევა.