“მედფემის” ექიმები სხალთის ხეობაში

October 6, 2023

გასვლითი სამედიცინო აქციის ფარგლებში კლინიკა “მედფემის” ექიმები ხულოს მუნიციპალიტეტს ეწვივნენ და უფასო კონსულტაცია და კვლევები სხალთის ამბულატორიაში ჩაატარეს.

ადგილობრივებს საშუალება ჰქონდათ მიეღოთ მეან-გინეკოლოგის ლელა ბიბილეიშვილის და მამოლოგის მალხაზ დიასამიძის კონსულტაცია/კვლევები. მათთვის ასევე ხელმისაწვდომი იყო ინსტრუმენტული კვლევები, რომელიც რადიოლოგმა დარინა წულუკიძემ ჩაატარა.

ვიზიტის ფარგლებში, ასევე სამედიცინო მომსახურებით ისარგებლეს შეზღუდული შესაძლებლობის მქონე ქალებმა.

კლინიკა “მედფემი” პერიოდულად გამართავს სამედიცინო აქციებს აჭარის სხვადასხვა მუნიციპალიტეტში.